اولموشام سندنصورا خوار و یتیم و زار آنا

سن کیمی اولماز شکسته گوگلومه غمخوار آنا

ادامه در ادامه ی مطلب

اولموشام سندنصورا خوار و یتیم و زار آنا

سن کیمی اولماز شکسته گوگلومه غمخوار آنا

زینبین کشتی طوفانینده سن بیر نوحیدون

جسمیمه حال حیاتوندا حقیقی روحیدون

حیف اولا جان تاپشوراندا سینه دن مجروحیدون

گوزلریمده بو جهان سنسیز اولوبدور تار آنا

موج دریا تک گوزومده اشک طوفان ایلوری

فرقتون هر لحظه سنموش قلبیمی قان ایلوری

بس گلور جوشه محبّت بحری طغیان ایلوری

هاردا خاموش ایلر اشک تر یاناندا نار آنا

هم حسینه هم منه دائم سنیدون هم نفس

سن که گیتدون الدن ایمدی، قالدی بیزده بوش قفس

سسلروق سس ویرمسن مشگلدی گلسون بیرده سس

ممکن اولماز ایلیاق سنلن داخی گفتار آنا

هارداسان کلثومه بیرده مجتبایه قیل نظر

گور نجه ایوای آنا ایوای دیوب حیران گزر

قیز یتیم اولسا فراقینده آنانین گور دوزر؟

گل گیدنده بلبله زندان اولار گلزر آنا

سن بیزه دنیا بویی سرمایه ی امّیدیدون

اوز حیاتوندان ال اوزموشدون داخی نومیدیدون

آسمانوندا ستاریدوق، مه و خورشیدیدون

گون غروب ایتسه اولار گوندوز چو لیل تار آنا

دودمانوندا یرون بوش گورسنور هر بیر زمان

چخمیوب یاددان ایدردون صیحه تک داد و فغان

ایسته غمگینی بو جمعیله ایده اشکین روان

ایلیه حضّاریله قبرونده آه و زار آنا

نوشته شده در تاریخ چهارشنبه 27 بهمن 1395    | توسط: خادم حضرت علی اصغر (ع)    | طبقه بندی: اشعار در ولادت، مدح و رثای صدیقه ی طاهره زهرای مرضیه حضرت فاطمه (س)،     |
نظرات()