غم هجرونده عجب اودلارا یاندیم آناجان

اشک تر دامنه توکماقدان اوساندیم آناجان

ادامه در ادامه ی مطلب

غم هجرونده عجب اودلارا یاندیم آناجان

اشک تر دامنه توکماقدان اوساندیم آناجان

هانی بیر اهل دل آگاه اولا درد دلیمه

من کیمی اود دوتوب آهیمله یانا نسگلیمه

آناوای ناله سی ورد اولدی او قدری دلیمه

آناسیز قالماقیمی آخِر ایناندیم آناجان

ایلرم عالم محنتده من هر قدری خیال

بلکه بیر چاره تاپام رفع اولا اندوه و ملال

گورورم دردیمه درمان اولا عالمده محال

دردیمون چاره سی اُلماقدادی آندیم آناجان

حیف من تک اُلومه مایل اولان اُلمزیمیش

آناسیزلیق نه یاماندور ایشیدن بولمزیمیش

آناسیز قیزلارین عالمده یوزی گولمزیمیش

باخوب اوز حالیمه بو نکته نی آندیم آناجان

قان اولان دلده که هر لحظه سنی یاد ایدرم

اود دوتار قلبیم اودور، ناله چکوب داد ایدرم

گلّم افغانه آچوب باشیمی فریاد ایدرم

او قدر سس چکوب آخِرده دایاندیم آناجان

دفتر غمده باخوب عالمیمی سیر ایدرم

اولونوب زینب آدی نقطه تک هر یرده رقم

قویدی پرگار تک حیرتده منی نقطه ی غم

خطّ سیریمده نه قدری که دولاندیم آناجان

بسکه سرمنطق اولوب دلده آدون هر سوزومه

دانیشوب صحبته گلّم سنیله اوز اوزومه

نه بلادور باشیما گلدی کول اولدی گوزومه

سن تک ایستکلی آنادان آرالاندیم آناجان

دل بو حسرتله دونوب قانه گلور جوشه آنا

بلکه بیر مرقد پاکون باسوم آغوشه آنا

گیتدوم هر بیر گجه بو فکریله من هوشه آنا

نه یوخوم گلدی نه هوشیمدن اویاندیم آناجان

خورد و خواب اولدی حرام ایلدیم ازبسکه فغان

سنسیز آغلار گوزومه تیره و تار اولدی جهان

سرو قدّیم بوکولوب اولدی اوشاقلیقدا کمان

باخوب اوز نفسیمه نفسیمدن اوتاندیم آناجان

کیمدی من تک آنا محنت کش اولا عالم آرا

سارالوب گل یوزی خون دلیله احمر اولا

آغاروب زلفی اولا عمری گونی رختی قرا

خُم محنتده عجب رنگه بویاندیم آناجان

ذهنی یاز زینب ایدوب بو دلیله شیون آنا

شعله ی آتش هجرانیده یاندوم من آنا

چکیلوب سینمه مین داغ فراقوندان آنا

داغ هجریله اورکدن یارالاندیم آناجان

نوشته شده در تاریخ چهارشنبه 27 بهمن 1395    | توسط: خادم حضرت علی اصغر (ع)    | طبقه بندی: اشعار در ولادت، مدح و رثای صدیقه ی طاهره زهرای مرضیه حضرت فاطمه (س)،     |
نظرات()