ای یوزی جهاندا گولمین آنام وای

دردین اهل بیتی بولمین آنام وای

داشدی کاسه ی صبرون- گیزلین ایلدون قبرون

مهربان آنام وای (2)

ادامه در ادامه ی مطلب

ای یوزی جهاندا گولمین آنام وای

دردین اهل بیتی بولمین آنام وای

داشدی کاسه ی صبرون- گیزلین ایلدون قبرون

مهربان آنام وای (2)

قیز یتیم اولونجا کاش اُله ازلدن

آغلارام غمونده دوشمیونجه دلدن

سن کیمی گیدوبدی مهربانیم الدن

اُلمدیم ندن قالدیم- باشه قاره وی سالدیم

مهربان آنام وای (2)

وار بالالاریوین آغلاماقه میلی

جاریدور بو ایوده اشک چشم سیلی

اولما زینبوندن گیتموسن گیلِیلی

هیچ یوخوما گلمورسن- دردیمیزی بولمورسن

مهربان آنام وای (2)

گل بالالاریوین گوگلونی اوزون آل

سسلنور اوشاقلار بوینوما قولون سال

بِش یاشندا بیر قیز سرپرست اطفال

کشف اولاندا بو مطلب- غصّه مرگ اولار زینب

مهربان آنام وای (2)

گوندوزوم اولوبدی گوزده بیر شب داج

سن گیدندن اولدوم تیر درده آماج

من اوزوم صغیرم سرپرسته محتاج

غرق بحر آلامم- سرپرست ایتامم

مهربان آنام وای (2)

آزدی هرقدر من گلسم آه و زاره

آغلارام اُلونجه یوخ الیمده چاره

وای منه گیدوبسن یاره لی مزاره

یاره لی یاران نجه دی- دردیلن آران نجه دی

مهربان آنام وای (2)

من نجه بو غمده گلمیوم فغانه

گوزیاشیم عذاره اولماسون روانه

یاتدوقوم یر اولدی زینبه نشانه

بوش بو بسترون قالدی- زینبون غمه سالدی

مهربان آنام وای (2)

نوشته شده در تاریخ چهارشنبه 27 بهمن 1395    | توسط: خادم حضرت علی اصغر (ع)    | طبقه بندی: اشعار در ولادت، مدح و رثای صدیقه ی طاهره زهرای مرضیه حضرت فاطمه (س)،     |
نظرات()