ا... آنامون غمی بو ایودن هر نه واریدی صفا آپاردی

سالدی بیزی غصّیه عمینده قلبی دولوسی وفا آپاردی

ایوای آنام ایوای آنام وای

ادامه در ادامه ی مطلب

ا... آنامون غمی بو ایودن هر نه واریدی صفا آپاردی

سالدی بیزی غصّیه عمینده قلبی دولوسی وفا آپاردی

ایوای آنام ایوای آنام وای

سندن اُلوم ایستدی الهی آخِرده ولی مرامه یتدی

قورتولدی غم جهان الیندن امّا منی غم اسیری ایتدی

بو نسگلی یاندورار اُلونجه قبره بدنی یارالی گیتدی

مشهوردی بَضعَةُ الرّسوله، جسمینده ولی یارا آپاردی

دنیا بویوجا چتیندی بیرده مثلین گوره گردش زمانه

یا بوندان ازل بو منزلتده نسوان آرا کیم گَلوب جهانه

بیر عدّه ریاست آختارانلار اینجیتدی ز بس گَتوردی جانه

کشف ایلمدی سوزین ولیکن قبره دل مبتلا آپاردی

ترک ایلدی عالمی آتاسی هجران غمی اختیارین آلدی

غصب فدک ایلین جماعت یارب باشینی بلایه سالدی

سنّی آزیدی غمی چوخ اولدی، تیز زلفی آغاردی تیز قوجالدی

گیتدی اوزی، داغلی خاطرینده بیر غصّه لی ماجرا آپاردی

من ناظریدیم او مبتلانون منزلده کی بعضی صحبتینده

قلبیم یانار اود کیمی یاناردی دائم شرر مصیبتینده

گیزلین اولا غسلی دفن و کفنی تاپشورموشودی وصیّتینده

علّت اودی بُلمدیم آتام بس یارب آنامی هارا آپاردی

آگاه سن ای خدای عالم واردی آتامون نه اقتداری

مرحب قاباقندا دوردی داغ تک نابود ایلدی او بدشعاری

امّا آنامون غم فراقی آغلاتدی بو معدن وقاری

قدرتلی وجودینون او محنت یاراسینی جابجا آپاردی

غسلین آنامون آتام ویرنده بیر عالمیدی هامی پریشان

اسما سو توکوردی من باخوردوم دل داغلی ملول و دیده گریان

غسلی باشا ویرمه میش ال اوزدی آغلار گوزیله او مرد میدان

بیر حاله قالوب، بو خونجگردن آرامینی برملا آپاردی

صبر ایلدی غصّه یوز ویرنده، تسلیمیدی چون مقدّراته

اینجیتدیله عاقبت، گوروردوم یوخدور داخی رغبتی حیاته

ایستردی اُلوم همیشه سندن چوخ مایلیدی آنام مماته

آخِر اونی عالم بقایه اوز ایلدیقی دعا آپاردی

بو رسمیدی کیم وطنده اُلسه ائل طایفه سی ایده لّه تجلیل

تشییعه گَله لّه دسته دسته چوخلار ایشینی ایده لّه تعطیل

تا مسئله ی امور دفنی سرعتله اولا به فوری تکمیل

امّا آنامی گئجه زمانی قبره نچه آشنا آپاردی

چوخلار آنامی بُلوردی سوز سوز خلّاق جهان حبیبه سیدی

دریای وقاریدی وجودی، نسوان جهان نجیبه سیدی

تشییع جنازه ده کَاَنَّه بیگانه وطن غریبه سیدی

یتدی نفریله گیتدی قبره دلدن اودی چوخ قوا آپاردی

اولسا سوروشان آنان هایاندا مدفون اولونوب، ندور جوابیم

آیا هارانی ویروم نشان بس، بو باره ده چوخدی پیچ و تابیم

ایتگیندی گرک دیم مزاری وار گوزده اودور سرشک نابیم

بُلسونله اونی جوانه قبره ثانیدن اولان جفا آپاردی

افسوس اولا حیف اولا آنامدان بو باره ده اولمادی اجازه

تابوتینون آردیجا دوشِیدیم تشییع اولونان زمان جنازه

ایوای آنا سسلیوب سالِیدیم شیون سسی سربسر حجازه

ایوده یانا یانه آغلادوقجا دل طاقتینی بُکا آپاردی

مخلوقه گوره یازیلسا هر سوز عافی بونا یوخدی سوز خوش اولماز

صدق دلیله گر اولسا خدمت واضحدی بو جمله ناخوش اولماز

یازسان سوزی قُرَّبَةً اِلَی ا..َ. محشرده یقین الون بوش اولماز

محشرده گوره لّه اهل محشر دوز خدمت ایدن جزا آپاردی

نوشته شده در تاریخ چهارشنبه 27 بهمن 1395    | توسط: خادم حضرت علی اصغر (ع)    | طبقه بندی: اشعار در ولادت، مدح و رثای صدیقه ی طاهره زهرای مرضیه حضرت فاطمه (س)،     |
نظرات()