دستگاه شوم و تبلیغات مسموم عدو

مجتبایه سوده ی الماس‌دن ایچدیردی سو

کربلا سلطانینه آلدیردی قانیله وضو

بو جفالر قویمادی دنیا سویوندا آبرو

ادامه در ادامه ی مطلب

دستگاه شوم و تبلیغات مسموم عدو

مجتبایه سوده ی الماس‌دن ایچدیردی سو

کربلا سلطانینه آلدیردی قانیله وضو

بو جفالر قویمادی دنیا سویوندا آبرو

بدو اسلامیّت و اسلامیان دینه جدید

یوخدی پیغمبر، یرین اشغال ایدن شخص پلید

بیر طرف اهل نفاقین میلی کفره چوخ شدید

ال اله ویردی بنای دینی ایتسون زیر و رو

دوشدی چوخ یرده زمان مسلمین پست اللره

ظاهراً مسلم ولی باطنده کافر یکسره

شبهه لر القا اولوندی ایش یتیشدی بیر یره

مشتبه خلق ایچره اولدی امر زشتیله نکو

رفته رفته اولدی دوره دوره ی سفیانیان

بیر بیریندن توکدی اسلام اهلی بی اندازه قان

عاقبت مسجدده ضربتلندی میر مومنان

دینه یتدی بیر خلل حاشا تاپا بیرده رفو

گیتدی اللردن، تراب آلتیندا یاتدی بوتراب

ا... ا... باتدی قالدی توپراق آتدا آفتاب

دین اولوب ماتم زده، سفیانین اوغلی کامیاب

دوتدی ظلمت هر دیاری کوچه کوچه کو به کو

زاده ی سفیان او بی شرم و شقاوت مظهری

ایلدی اشغال قهراً مسند پیغمبری

دست اندر کار ایدوب هر یرده مرموز اللری

تا ویره اوز نحس تشکیلاتینه بیر رنگ و رو

تا ه قدری وار حسن گوردی او بی شرم جهان

قویماز اولسون کام دلجه باطل اهلی حکمران

پیشرفت ایتمز جهاندا مسلک سفیانیان

حشره تک ناپاک دللرده قالار بو آرزو

نقشه لر طرح ایلدی قتل ولیّ داوره

تا شهید اولسون حسن داغی چکیلسون دللره

رخنه لر دینه وورولسون، دگسون عالم بیر بیره

ایلسون هر ظلمیده طغیان او قوم کینه جو

مجتبی هر یرده حفظ ایلردی اوز شخصیّتین

اوزگه بیر تدبیر آلانمازدی الیندن قدرتین

محرمین وادار ایدوبلر قتلینه اول حضرتین

ایلسون مسموم او شاهی جعده ی بی شرم و رو

جعده پوزدی عاقبت مظلوم امام احوالینی

سوده ی الماس‌دن ایتدی دگرگون حالینی

گلدی زینب باشی اوسته توکدی اشک آلینی

قانلی گوزیاشی ویروب مرآت حقّه شستشو

سسلدی ای یادگار حضرت زهرا باجی

مجتبانی تازه دن مسموم ایدوب اعدا باجی

روزگاریم اولدی بالمرّه شب یلدا باجی

دور نه حاله گور منی آخِر سالوب بیر شربه سو

دوردی زینب گوردی چوخ پوزقوندی حال مجتبی

بیر سارالموش گل کیمی سولموش جمال مجتبی

بولدی یتمیش باشه روز و ماه و سال مجتبی

عرض ایدوب قارداش سینِیدی کاش ازل گون بو سبو

سویلدی ایمدی گیچوب ایش ایشدن ای کان حیا

آخِرین ساعات عمرین طیّ ایلور مجتبی

ویر خبر گلسون باشیم اوسته عیال مصطفی

چوخ غنیمتدور بو فرصت وار مجال گفتگو

تا خبردار اولدی گلدی آل هاشم بالتّمام

گوردیلر ایلور توجّه قانلی بیر طشته امام

دوغرانوب ازبس جگرلر یوخدی یارای کلام

ایلوری آهسته صحبت شهریار نیکخو

دوشدی تا زینب گوزی طشته اوجالدی شیونی

سسلدی ایوای منه کیم قویدی قارداشسیز منی

زینبون اُلسون نه تیز سولدی حیاتون گلشنی

دوشموسن بیر درده یوخ درمانه راه جستجو

گوندوز اولدی شام، گیتدی آز چوخ اولسیدی گلن

قالدی بیر اوز اهل بیتی بیرده شاه ممتحن

حسرتیله باخدی بیر اطرافینه دلده محن

توکدی اشک چشمین آغلار چشمه چشمه جو به جو

امر ایدوب گیتسون هامی آل رسول ذوالمنن

خلوت اولسون منزلیم چاره قیلوم بو درده من

ایستدی جعده گیده فرمایش ایتدی گیتمه سن

بیر سوزوم وار آل هاشمدن ولی گیزلیندی بو

نیلمیشدیم من مگر ای بی وفا اسما سنه

سو یرینه سوده ی الماسی ایچدیردون منه

آغلادوب پیغمبر زهرانی گتدون شیونه

ایمدی جنّتده دیر زهرا حسن وای سو سبو

سن آنام زهرا عروسی لایق اعزازیدون

مجتبایه محرم اسراریدون همرازیدون

ضایع ایتدون شانیوی هر قدر اگر ممتازیدون

ایلدی گمره سنی موهوم وعدِیله عدو

ایتمدون منظور هرگز دل شکن احوالیمی

باخمادون دشمن پوزور پوزقون پریشان حالیمی

زهری ایچدیردون منه قویدون یتیم اطفالیمی

دوسته گوردون روا دشمن جفاسین موبمو

بی وفا بولدون نجه ظلمونده طغیان ایلدون

نه منی، دنیا بویی قتل فراوان ایلدون

کربلاده سن حسینین بسترین قان ایلدون

دستمازین ایتدون عاشورا گونی خون گلو

بولموسن نیلر حسینه روز عاشورا یزید

سو یانیندا تشنه لب ایلر او مظلومی شهید

قانلی بسترده قلج اوخ نیزه خنجر بی عدید

بیله بستر بالشی خاکستر ایستر پرّ قو

گر حسین اُلسه دیمه ظلمه دویار قوم فساد

وورماسا اود خیمه گاهه چکمز ال اهل عناد

بزم عامه زینبی جبراً چکر ابن زیاد

کیم بولور اوردا نه غوغالر قوپار نه های و هو

کاش اولیدون زینب کبری اولان گونلر اسیر

عترت طاهانی امّت ایلین گون دستگیر

بیر گوریدون دسته ی روباه اولاندا شیرگیر

شیرزنلرده شهامت سر ایدیدون روبرو

نوحه یاز صحّاف الوندن سالما هرگز خامه نی

نامه ی اعمال بول الده بو شیوا نامه نی

روز محشرده اوخی محشر قیل اول هنگامه نی

ایسته حقدن نامه ی اعمالیوی آلسون گرو

نوشته شده در تاریخ سه شنبه 9 آذر 1395    | توسط: خادم حضرت علی اصغر (ع)    | طبقه بندی: اشعار مدح، میلاد و شهادت حضرت امام حسن مجتبی (ع)،     |
نظرات()