دل مجتبی غمینده اودلاندی باجی زینب

تابوت ایچینده نعشی اوخلاندی باجی زینب

ادامه در ادامه ی مطلب

دل مجتبی غمینده اودلاندی باجی زینب

تابوت ایچینده نعشی اوخلاندی باجی زینب

بو قوم کینه ایتدی بغض نهانی ظاهر

جبریله اولدی مانع بو اشقیای جابر

پیغمبر اوغلی اولسون پیغمبره مجاور

باخ گور بو ظلمه دوزماق آساندی باجی زینب؟

ای غملریم شریکی ویر اشکیوه اجازه

وورسون شرار آهون اود سربسر حجازه

اولدی نشانه یتمیش پیکانه بیر جنازه

قلبیم بو ماجرادن اودلاندی باجی زینب

گرچه یتیشدی باشه اندوهیله حیاتی

امّا حیاتیدن چوخ نسگل لیدور مماتی

بو نسگلی سزادور یاندورسا کائناتی

جنّتده قلب زهرا داغلاندی باجی زینب

دوندرمرم جهاندا یوز بیرده لاله زاره

بلبل کیمی گورنده گل گلّم آه و زاره

آخماز نجه حسینین گوزیاشی گلعذاره

جسم حسن چو لاله پژماندی باجی زینب

بوندان صورا محاسن قیلّام مگر معطّر؟

دُهنیله ایلرم یا من باشیمی مُعنبر

جسم حسن قیلوبدور تیره ترابی بستر

شغلیم داخی اْلونجه افغاندی باجی زینب

بوندان صورا مخضّب من قیلمارام محاسن

آزدور اُلونجه دوتسام گر مجتبی عزاسین

قان آغلاسا روادور بو غمده آل یاسین

یاسین اوزی بو غمده نالاندی باجی زینب

قویمولّا گوردوم اولسون اوز جدّی همجواری

حمل ایلدیم بقیعه اول جسم زخمداری

گونلر ایوینده قالدی قارداشیون مزاری

بو ظلم حکم آل سفیاندی باجی زینب

تاریخ صبر ایدر بو مظلوم امام صبرین

آینده ده سعودی ایلر جفا و جبرین

قارداشیمون قویالّار باجی خرابه قبرین

صبریمی ایوی او غمدن ویراندی باجی زینب

تا واریدی حیاتی چون سیل اشکی ٱخدی

آخِرده دل دوداقین یاندوردی زهر یاخدی

سبّ ایتدیلر آتاسین، دوزدی دایاندی باخدی

ظلمیله قلب عالم سوزاندی باجی زینب

اولدی گینه گوزیمده کرب و بلا مجسّم

عبّاس باشی اوستن شه قیلدی عزم مخیَم

سسلندی گل کسیلدی چارم یخلدی پرچم

صاحب علم بو چولده دوغراندی باجی زینب

گوردوم یخوبلا جسمین قولسوز گروه ناپاک

بسکه یارا ووروبلار جسمین ایدوبله صدچاک

اوراق اولان وجودین ایلوبله زینت خاک

بیر دسته گلدی گویا خنداندی باجی زینب

اکبر فراقین ایتدی عبّاس عزاسی تازه

الحق چتیندی بو غم آل شه حجازه

میداندا اشقیاده باخ جشن و تاخت و تازه

عبّاس اُلوبدی دشمن خندادی باجی زینب

وور باشیوه بو غمده سال شال ماتم آغلا

وای قارداشیم وای ازبر ایله دمادم آغلا

یوخدور آناسی سسله کلثومی باهم آغلا

صابرده بو عزاده گریاندی باجی زینب

نوشته شده در تاریخ سه شنبه 9 آذر 1395    | توسط: خادم حضرت علی اصغر (ع)    | طبقه بندی: اشعار مدح، میلاد و شهادت حضرت امام حسن مجتبی (ع)،     |
نظرات()