گرچه ایچمیشم سو بو کوزه دن اود دوتوب وجودیم یانار باجی

تشنه ی وصال حبیبیدیم بولمدیم بو سودا نه وار باجی

ادامه در ادامه ی مطلب

گرچه ایچمیشم سو بو کوزه دن اود دوتوب وجودیم یانار باجی

تشنه ی وصال حبیبیدیم بولمدیم بو سودا نه وار باجی

ایمدی عالم نومیده گوروب آفتاب چرخ رسالتی

اولدی داعیِ بزم وصل حق جدّیمون یتوب بو اشارتی

منده جان و دلدن باجی اوزوم ایلدیم اجابت او دعوتی

بولدوم اوز وفادار عاشقین مهربان نگاریم سانار باجی

ایلینده رویاده ایمدی من جدّیمیله باجی مکالمه

عرض قیلدیم اوز وضع حالیمی، خوش جواب ویردی سوالیمه

مژده ی وصال الهیله یتدی بیر مسرّت بو حالیمه

شوقیله اویاندیم، باجی اودور بولمدیم بو سودا نه وار باجی

قارداشیم حسینه ویرون خبر من یتیشدیم ایمدی فراغته

حجّت خدادور گلوب گرک حامل اولسون اسرار حکمته

محترم وجودی اولور اونون برگزیده امر امامته

بو نکات سربسته سرّینی غیر نه بولر نه آنار باجی

گرچه ای باجی زهر کینیله بو وجودیمی دوتموش احتراق

قارداشون بو حالی آلور سنون صبریوی، ایدور طاقتیوی طاق

وعده ویرموشم کوی وحدته واردی منده بیر اوزگه اشتیاق

بولمدیم اودور جسم و جاندی بو اود دوتوب یانار اودلانار باجی

ایلمه بیله ناله آغلاما، وورما سینیه، آچما اوز باشون

چوخ مصیبتون واردی ای باجی ساخلا سن حسینه بو گوزیاشون

تشنه جان ویرر راه عشقیده کربلا دیارینده قارداشون

جسم نازنینی او عرصه ده تیغ و تیریله دوغرانار باجی

صافیا بیانوندا ایلورم آیری بیر حلاوت مشاهده

سحره بنزوری بو کلاملر، جلب ایدوب منی بیر نگاهیده

عفو قیل تخلّص یازانی سن اولسا صدری گر اشتباهیده

سویلدی امام حسن او گون اود دوتوب وجودیم یانار باجی

نوشته شده در تاریخ سه شنبه 9 آذر 1395    | توسط: خادم حضرت علی اصغر (ع)    | طبقه بندی: اشعار مدح، میلاد و شهادت حضرت امام حسن مجتبی (ع)،     |
نظرات()