مسلمینه بو گون یوز ویروب مصیبت

خاتم النّبیّین ایلیوبدی رحلت

نالیه گَلوب احکام- سسلور عالم اسلام

وای پیمبر ایوای- وای پیمبر ایوای

ادامه در ادامه ی مطلب

مسلمینه بو گون یوز ویروب مصیبت

خاتم النّبیّین ایلیوبدی رحلت

نالیه گَلوب احکام- سسلور عالم اسلام

وای پیمبر ایوای- وای پیمبر ایوای

دین حق یولوندا چکدی چوخ ریاضت

ایلمزدی اصلاً خلقیدن شکایت

گردش زمان دوندی- آغلا شمع دین سولدی

وای پیمبر ایوای- وای پیمبر ایوای

گور نجه جهاندا بو وفاسیز امّت

شافع جزایه ایتدیلر اذیّت

غصّه چکدی دائم حامی شریعت

دردیله گوگل دولدی- عمر گلشنی سولدی

وای پیمبر ایوای- وای پیمبر ایوای

قوم کین همیشه ایتدیلر عداوت

باشینه توکوب کُل رحمسیز جماعت

تا خزان اولوبدور گلشن رسالت

سولسا گُل سولار یَپراق- باشوزا سپون توپراق

وای پیمبر ایوای- وای پیمبر ایوای

یوز ویروب جهانه اوزگه درد و محنت

جاریدور عذاره گوزدن اشک حسرت

چون رسول اکرم ایلیوبدی رحلت

شیعه سینوی داغلا- آغلور عالمِین آغلا

وای پیمبر ایوای- وای پیمبر ایوای

ظلمیله سونوبدور مشعل هدایت

رکن دین سینوبدور باشلانوب قیامت

یوخدی درد و غمدن شیعیه فراغت

نالیه گَلور قرآن- آغلور عالم امکان

وای پیمبر ایوای- وای پیمبر ایوای

نوشته شده در تاریخ سه شنبه 9 آذر 1395    | توسط: خادم حضرت علی اصغر (ع)    | طبقه بندی: احوالات میلاد، مدح، بعثت و شهادت نبی مکرّم اسلام حضرت محمّد ابن عبدالله (ص)،     |
نظرات()