الوداع ای امّتیم، دنیانی تاپشیردیم سیزه

جان سیزین جان عیتر‌تیم، قرآنی تاپشیردیم سیزه

ادامه در ادامه ی مطلب

الوداع ای امّتیم، دنیانی تاپشیردیم سیزه

جان سیزین جان عیتر‌تیم، قرآنی تاپشیردیم سیزه

گرچه من پیغمبرم، نازل اولوب قرآن منه

عازم راه بقایم چون یتوب فرمان منه

منتظر دور عدنده، دروازه بان رضوان منه

دینی تکمیل ایشمیشَم ایمانی تاپشیردیم سیزه

امّتیمدن حكم قرآنه اطاعت ایستورم

عترت و اولادیمه سیزدن حمایت ایستورم

چون امانتدور بولار روز قیامت ایستورم

حرمتین قرآنیلن زهرانی تاپشیردیم سیزه

چون حسینیله حسندور جانِ شیریندن عزیز

حوریان حسرت چَكَر اولسون بو طفلانه كنیز

قویمیون مندن صورا دنیاده اولسون اشك ریز

هر ایكی جنّت گُلی، ریحانی تاپشیردیم سیزه

قویمیون آثار غم یتسون دل ناشادیمه

ایلیون حرمت جهاندا سیز منیم اولادیمه

وورمیون مندن صورا اود خانه ی بر بادیمه

دودمان عترت طاهانی تاپشیردیم سیزه

دین یولوندا چوخ چكوب زحمت عموم اوغلی علی

حرمتی واجبدی، چون ا... اونی ایتموش ولی

مظهر كلِّ عجایب دور، الی ا... الی

من ولی ا... تك مولانی تاپشیردیم سیزه

اوصیا و اولیانون چون علی اولاسیدور

هرکسه مولائیدیم من پس علی مولاسیدور

دینه پرچم دار اولان، اول همّت والاسیدور

اهل عیالیلن شهِ مردانی تاپشیردیم سیزه

قویمیون غمدن قیزیم كلثومی سینه داغلاسون

زینبی چوخ ایسترم قویمون جهاندا آغلاسون

من خداحافظ، سیزی ای امّت ا... ساخلاسون

بالاَخَص من زینب كبرانی تاپشیردیم سیزه

وار یِری عرض ایلیاخ بیز ای رسول عالمین

كاش اولِیدون كربلاده ذبح اولان وقته حسین

تا گورِیدون زینبون عرشه سالوبدور شور و شِین

امر ائدِیدون كوفیان سلطانی تاپشیردیم سیزه

نادری غم موجینه غرق اولموسان دنیاده سن

اول گیلن شرح مصیبت یازماقا آماده سن

ایسته زهرادن شفاعت محشر کبراده سن

یازدیقون گوزیاشیلن طغرانی تاپشوردوم سیزه

نوشته شده در تاریخ سه شنبه 9 آذر 1395    | توسط: خادم حضرت علی اصغر (ع)    | طبقه بندی: احوالات میلاد، مدح، بعثت و شهادت نبی مکرّم اسلام حضرت محمّد ابن عبدالله (ص)،     |
نظرات()