یاخشی هدفه دگدی بو قرآن اوخی قارداش

قربان یارالی باشوه قرآن اوخی قارداش

قرآن اوخی، ویر كوفه لیلر فكرینه تغییر

بلسونله بیزه نازل اولوب آیه ی تطهیر

ادامه در ادامه ی مطلب

یاخشی هدفه دگدی بو قرآن اوخی قارداش

قربان یارالی باشوه قرآن اوخی قارداش

قرآن اوخی، ویر كوفه لیلر فكرینه تغییر

بلسونله بیزه نازل اولوب آیه ی تطهیر

ای سنگ ستمله سینان آئینه ی رحمان

اولسون او لب لعله فدا زینب نالان

بو كوفه نین اهلی بیزی بولمولّه مسلمان

قرآنیله دیندن بیزی بیگانه بولولّر

گه كف چالوب اشرار بیزه گاه گولولّر

گل نطقه دانیش قدرت یكتانی نشان ویر

دل مرده لره معجز عیسانی نشان ویر

قرآنی دانان ملّته قرآنی نشان ویر

قرآن اوخی تا بلكه یاتان ملّت اویانسون

تا واردی جهان حقّیله باطل آرالانسون

ای قولی كیمی فعلی اولان حجّت مطلق

وی قانی ویرن مصحفین آیاتینه رونق

قرآن اوخی بو مسئله نی ایله محقّق

اولماز كسیلن باشدا دانیشماقلیقا امكان

حقّ اولماسا بیر باش اوخوماز نیزه ده قرآن

به به نه گوزل وقتیده ای میر هدایت

ایتدون بو قرا رختلره لطف و عنایت

قرآن اوخودون تا بوله قارداش بو جماعت

دین اوسته سنی اُلدوروب اشرار ستمگر

سن دینه فداسن بیزوق اولاد پیمبر

قرآن اوخی گه قدرتون اعدایه بولوندور

گاهی گوزآچوب خورداجا قیزلاریوی دیندور

بو كوفه لیلرده بو نه مذهب بو نه دیندور؟

ایتمولّه ترحّم كسیلن بیر باشا قارداش

قرآن اوخویان باشی باسولّار داشا قارداش

یاللعجب اعجازیوی گورمور بو جماعت

قرآن اوخودوقجا، بولار ایلولّه جسارت

بو طعن و شماتتلره ایتمولّه كفایت

اعجازیوی گوردوقجا عِناد اوسته دورولّار

قارداشی اُلن باجیلارا قمچی وورولّار

نیلوم كیمه من ایلیوم اوز دردیمی اظهار

دورمده منیم نه كمکیم واردی نه غمخوار

بیر عدّه فقط قاره گین اوغلی اُلن وار

یالقوزدی كمكسیزدی باجون، بیر كسی یوخدی

سالما نظروندن بولوسن غصّه سی چوخدی

شاها بو «حسینی» سنه خادمدی عزادار

باخماز مگر اوز نوكرینه  شاه  وفادار

چوخدور گنهیم سنده گینه لیك گوزوم وار

سالما منی گوزدن سن اگر ایتسن اراده

ایتمز منی شرمنده خدا روز جزاده

نوشته شده در تاریخ جمعه 8 آبان 1394    | توسط: خادم حضرت علی اصغر (ع)    | طبقه بندی: احوالات ورود به کوفه،     |
نظرات()