اهل قبیله گَلمیسوز دفن ایده سوز اُلنلری

سیز کمک ایلیون منه، من تانورام بدنلری

ادامه در ادامه ی مطلب

اهل قبیله گَلمیسوز دفن ایده سوز اُلنلری

سیز کمک ایلیون منه، من تانورام بدنلری

قافله کوچ ایدنده من دشمنه دستگیریدیم

یرده قویوب بدنلری گیتماقا ناگزیریدیم

مجلس کوفه ده اوزوم منده بو گون اسیریدیم

امر خدا یتیشدی گیت دفن ایله جان ویرنلری

بو چوله منده گَلمیشم محفل غم قورام گیدم

کاسه ی چشم پر نمی اشکیله دولدورام گیدم

بوردا آتام جنازه سین قبرینه تاپشورام گیدم

کوفه ده منتظردیله باجیلاری، حرملری

اوندا که ایستدی آتام بو چولی مسکن ایلسون

پول ویروب آلدی بو یری وادی اَیمن ایلسون

دینه فدا اولانلارون نعشینه مدفن ایلسون

تا که زیارت ایلیه حشره تک ایستینلری

بی کس آتام حسیندی بو جسمیده چوخ یاراسی وار

پیکری پاره پاره دور، نه اَلی نه لباسی وار

دشمن اَلینده باشینون غصّه لی ماجراسی وار

سیر ایدور اَل به اَل اودور نیزه باشیندا چوللری

اوچ گون اولور بو گون قالوب یرده بو جسم نازنین

ظلمیله پایمال ایدوب آتلار اَیاقی پیکرین

بندِ زَر اوسته اهرِمن کسدی بیلکدن اللرین

گَتدی بو چولده نالیه فاطمه نی، پیمبری

سیز چَکیلون، دورون، باخون جمله جوان و پیریله

عالم غیبیدن کمک وار من دستگیریله

تا که آتام جنازه سین قبره قویام حصیریله

گون قاباقیندا قالمیه، دفن ایلیم او سروری

قارداشیم اکبری ایدوب قطعه به قطعه تیغ تیز

اولدی آتام حسین او دم قدّی خمیده، اشک ریز

قانلی جنازه سین قویون قبره اَیاق طرفده سیز

بس که آتاسی چوخ سُوَر اوغلی علیّ اکبری

توش اولدی ای بنی اسد مین غمه بیر باشیم منیم

کشف ایلوری اورک غمین گوزده کی گوز یاشیم منیم

وار بو اُلنلر ایچره بیر خورداجا قارداشیم منیم

دفن ایدرم آتاسینون سینه سی اوسته اصغری

قاسم عم اوغلومون یری ایستورم آشکار اولا

قبری علیّ اکبرین قبرینه همجوار اولا

ایستَمورم بو دوره دن آیری دوشه کنار اولا

دفن ایدون ای بنی اسد بوردا او ماه پیکری

بلبلون عشقی وار گُله، قلبیمی حیرته سالور

بزم وصالی آختارور قیمت جانیمین آلور

دفن ایلیون بو دوره ده هر نه صحابه دن قالور

پادشهون اولا گرک تحت نظرده لشکری

قالدی عموم جنازه سی، گَلَّم اورکده شیونه

اَلده چتیندی حمل اولا جسم شریفی مدفنه

نعشینی قبره قویماقا گَلدی بابام کمک منه

پوزدی بو غملی منظرده دلدن آتاسی حیدرری

 

نوشته شده در تاریخ جمعه 8 آبان 1394    | توسط: خادم حضرت علی اصغر (ع)    | طبقه بندی: احوالات دفن شهدای کربلا،     |
نظرات()