زهرانی غم گتیروب فریاد و داده بوگون

آغلار امام رضا اوغلی جواده بوگون

سکّان عرش خدا ایلولّه داد و نوا

برپا ایدوبله عزا عرش خداده بوگون

ادامه در ادامه ی مطلب

زهرانی غم گتیروب فریاد و داده بوگون

آغلار امام رضا اوغلی جواده بوگون

سکّان عرش خدا ایلولّه داد و نوا

برپا ایدوبله عزا عرش خداده بوگون

لازمدی شیعه لره بو غمده داد و فغان

ایتسونله یوزلرینه گوزیاشلارینی روان

باتموش عزایه بوگون آغلار امام زمان

صاحب عزادور اوزی بزم عزاده بوگون

جنّتده باشین آچوب ایمدی رسول خدا

آغلار گوزیله ایدر فریاد واولدا

گورموبدی گورمیه جاق بیر کیمسنه ابدا

اول ظلملر که اولوب بو نامراده بوگون

بو شاهی معتصم بی رحم و شوم و دغا

مسموم ایدوب ایلموب حقدن حجاب و حیا

بیر نوع ایتدی اثر قلبینده زهر جفا

اوز منزلینه گیده بولموب پیاده بوگون

مرکب گتوردی غلام ایلوب امامی سوار

تا منزله یتیشوب مسموم و زار و فگار

یالقوز بیر ایوه نه بیر مونس نه محرم و یار

باخ امّ فضلیده بیر بغض و عناده بوگون

بیر یالقوز ایوده قویوب اول شاه ماه وشی

یردن گویه اوجالوب فریاد العطشی

آرامین الدن آلوب زهرین او کشمکشی

اللر اورکده گلوب فریاد و داده بوگون

ازبس موثّر اولوب حالی کنیزلره

بیر کاسه سو بیریسی گتدی امامه ویره

آلدی سو جامینی اول ملعونه چالدی یره

رسم وفایه باخون بو بیوفاده بوگون

بغض نهان دلین ایتدی بو گونده بروز

چون آختاروردی ایله بیر ساعتی شب و روز

قویموبدی سو ویره لر آخِرده اُلدی سوسوز

بیر سیر نسگل ایدوب بو ماجراده بوگون

دوشدی خیاله گینه حال حسین شهید

ایسّی قوم اوسته قالان اول زخمدار و وحید

سسلردی رحم ایلیون ای تابعان یزید

قویموبدی تاب عطش من بینواده بوگون

سوز عطشدن ایا قوم عدو یانورام

گون ایسّیسینده من لب تشنه اودلانورام

آسان بو یاره لری ای قوم دون سانورام

لیکن سوسوزلوق اودی دوشموش نهاده بوگون

دنیا مقامینه گر صابر واروندی مراد

جود ایلر ایلمه غم دریای جود جواد

مطلق توجّه ایدر هر کیمی ایده اونی یاد

سنده سرشکیله سال اول شاهی یاده بوگون

ایله توسّل ایده قرضون او سرور ادا

بدخرجلیق ایلمه بوندانصورا ابدا

امر قناعت ایدوب خلقه رسول خدا

بو امره تابع اولوب قیل استفاده بوگون

نوشته شده در تاریخ دوشنبه 23 شهریور 1394    | توسط: خادم حضرت علی اصغر (ع)    | طبقه بندی: احوالات در میلاد مدح و شهادت امام جواد ال ائمّه (ع)،     |
نظرات()