باش آچوب امام هادی آغلا بو عزاده شیعه

فاطمه آناسی آغلار حضرت جواده شیعه

ادامه در ادامه ی مطلب

باش آچوب امام هادی آغلا بو عزاده شیعه

فاطمه آناسی آغلار حضرت جواده شیعه

ایلوب اون بیریمجی معصوم دهریدن بقایه رحلت

پور ثامن الائمّه نور محفل ولایت

بلّیدور جواد آدیندان کان جودیدور او حضرت

وای آقا دیوب مساکین گلدی آه و داده شیعه

معتصم جفا و ظلمه ایتدی امّ فضلی تحریک

سوندی مشعل امامت جمله عالم اولدی تاریک

اهل کین بو ماجراده بیر بیره دیردی تبریک

چاتدی دشمنان اسلام ظلمیله مراده شیعه

گل کیمی چاتوب او مولا رشده فاطمه باغیندا

هی نفس چکوب یاناردی سینه سی آنا داغیندا

جدّه سی کیمین جهاندان اینجیدی جوان چاغیندا

اولمادی ترحّم اصلاً خصم بی حیاده شیعه

یوخ سوزوم دوزوب بلایه جمله اولیای معصوم

ای بسا جواد مثلی بیر کس اولمیوبدی مظلوم

ایتدی دشمن اول امامی ایرمی بش یاشیندا مسموم

زهر ایدوب اثر، وجودی یاندی غم سراده شیعه

مرده مایه ی شرفدور اولسا محرمی حیالی

بی وفا اولوب جوادین اوز ایوینده کی عیالی

ویردی زهر کینه آخِر حضرتین پوزولدی حالی

جان ویروب ولیّ سبحان حال غم فزاده شیعه

باشلادی او گون مَلَک لر عرشیده عزا سرودین

یخدی امّ فضل ملعون ظلم الیله دین عمودین

آتدی حضرت جوادین غرفه دن یره وجودین

قالدی اوچ گون اول امامین پیکری آراده شیعه

یوخ سوزوم تقی ملالی قلب کائناتی داغلار

لیک حشر اولونجا هر گوز آغلاسا حسینه آغلار

واحسین دیوب کلامی اشکینی عذاره باغلار

فاطمه گلی ستملن سولدی کربلاده شیعه

نوشته شده در تاریخ یکشنبه 22 شهریور 1394    | توسط: خادم حضرت علی اصغر (ع)    | طبقه بندی: احوالات در میلاد مدح و شهادت امام جواد ال ائمّه (ع)،     |
نظرات()