بو غربت اُلکه ده من زار و ناتوان اُلورم

یوخومدی حالیمه بیر کس باخوب یانان اُلورم

ادامه در ادامه ی مطلب

بو غربت اُلکه ده من زار و ناتوان اُلورم

یوخومدی حالیمه بیر کس باخوب یانان اُلورم

آتام رضا کیمی گیزلین ویروبله زهر منه

ستمله باغریم اولوب مثل لاله قان اُلورم

حیات گلشنیمون نخلی گل کیمی سارالوب

بهار عمریم اولوب ظلمیله خزان اُلورم

آدیم تقی کیمی شغلیم اولوب تقیّه منیم

نه قدری دشمنی ایوینده ایدوب مکان اُلورم

جواد و حیّ و قدیمین حضورینه گیدورم

بو قان اولان جگریم الده ارمغان اُلورم

اگرچه ظاهر صورتده بیر یارام یوخدی

ایدوبدی قلبیمی مین زخم کین نشان اُلورم

الیم اورکده یوزوم توپراق اوسته جان ویرورم

بو حسرتیله خدایا من جوان اُلورم

ایدوب معامله کالی بکالی منله رقیب

ویروبدی زهر آپاروبدی بهار جان اُلورم

شهادتیم منه بیر سود اولوب بو غربتدن

غریب اُلماقیمی بولمورم زیان اُلورم

منه بو ظلم ایده نی من دوشن گونه دوشسون

تاپولماسون گوروم احوالینه یانان اُلورم

یوزیمه باغلی قویوب چاره یولّارین بولورم

علاج دردیمه یوخدی داخی گمان اُلورم

بو یالقوز ایوده گرک جان ویرم نه حسرتیله

گوزوم قالا قاپودا هر نفس هر آن اُلورم

مدینه شهری دگول جمع اولا بنی هاشم

آلا کناریمی ائل اقربا یکان یکان اُلورم

مگر آتاسی اُلن نوجوان آتا نعشین

اوغول گلوب گوتومز جان ویرن زمان اُلورم

اوغول نولور منی جان ویرمه میش گلوب گوره سن

گورم او گل یوزون ای سرو بوستان اُلورم

آتا بالا نولی بیر قول بویون اولاق منیله

اورکده قالمیه حسرتلریم نهان اُلورم

شکسته قلبیله وافی سنون الون دوتارام

جزا گونی سنی تک قویمارام اینان اُلورم

نوشته شده در تاریخ یکشنبه 22 شهریور 1394    | توسط: خادم حضرت علی اصغر (ع)    | طبقه بندی: احوالات در میلاد مدح و شهادت امام جواد ال ائمّه (ع)،     |
نظرات()