وار گینه فکریمده شور معنوی

ایسترم تقریر اولا بیر مثنوی

ادامه در ادامه ی مطلب

وار گینه فکریمده شور معنوی

ایسترم تقریر اولا بیر مثنوی

گر عنایت قیلسا ذات ذوالجلال

وار او شور معنویده اوزگه حال

باشیمه دوشموش هوای کاظمین

بارگاه جانفزای کاظمین

اوردا بیر فرّخ لقا مولا یاتوب

عالمینه عروةُ الوثقی یاتوب

کیمدی بو؟ سلطان مُلک ارتضا

حجّت یزدان، جواد ابن الرّضا

بو بیزیم مولامیزین دلبندیدی

نور دوچشمانی، تک فرزندیدی

بو رضانین لولوءِ لالاسیدی

دلبری، دلداری، دل آراسیدی

مستمندانه اودور باب امید

هر شدائی قفلینه آدی کلید

جود و بذل و فضلیده یکتادی بو

بخشش و احساندا بی همتادی بو

شیعه گر مشکلده قالسا هر زمان

ایلمز اغیاره دل دردین عیان

راز قلبین قلبی آگاهه دیر

یعنی سرّین حجّت اللهه دیر

کاظمینه یوز دوتار افسرده حال

خاضعانه گوزلرینده اشک آل

سویلر ای کان سخا، بابُ المراد

یا ابَا الهادی، اَغِثنی یا جواد

مرحمتده، اب باباسی مصطفی

مکرمتده، ای علیّ المرتضی

جان زهرا قیل کرم ای ذوالکرم

گوز آچان دمدن قاپوزدا نوکرم

ای ولیّ حق امام ممتحن

ای چکن آز عمریده چوخلی محن

بولمدی قدرون ندن خصم زبون

اوز عیالون یعنی امّ الفضل دون

حاکم وقت ابن هارون دنی

معتصم آدلی، شرارت معدنی

ایتدی امّ الفضلی تحریک اول شرور

قوخمادی حقدن او سرتاپا غرور

بنت مامون اولدی مامور جفا

ایتمدی اصلاً پیمبردن حیا

عاقبت گیدی خیانت جامه سین

طرح قیلدی قتلینون برنامه سین

اول خبیثه نیّت منفوریله

زهر ویردی رازقی انگوریله

زهردار انگور ایله ایتدی اثر

جسمیوی باشدان باشا دوتدی شرر

ال اورکده، یرده یوز، دلده نوا

سسلنردون داده گل یاندیم آنا

آه یازهرا، آنا بغداده گل

یاندی اکبادیم اماندور داده گل

شدّت زهر ایله آلموشدی قرار

گورسنوردی سنده حال احتضار

لیک امّ الفضل بی شرم و عنید

دختر بی شرم مامونُ الرّشید

بیر طرفده شاد کام اول بی وفا

رقص ایدردی، ایلموردی اعتنا

ای سلیل فاطمه یابن الرّضا

یادیمه بوردا دوشور بیر ماجرا

وار یری فریاد ایده هر شیخ و شاب

عالمین جانی سنه قربان رباب

بی وفا اولدی سنه اوز همسرون

قالدی قلبونده سنون نسگللرون

جان ویرنده سن دیوردون آب آب

ویرمدی سو همسرون ایتدی عتاب

گور ولی زهرا عروسی نیلدی

دلده کی مهرین نجه فاش ایلدی

سرحد عشق و وفادن گیچمدی

بعد عاشورا سرین سو ایچمدی

گون ایوینده چوخ ایدردی شور و شین

ذکری اولموشدی فقط ایوای حسین

وای سوسوز توپراقلار اوسته جان ویرن

وای قالان گونلر ایوینده بی کفن

گه حسینیم وای دیوب دل داغلارام

گه بالام وای سسلیوب قان آغلارام

سسلرم وای سو یرینه قان ایچن

وای بوغازی یاره لی قبره گیدن

جابری هاردان هارا گلدی سوزون

دولدی آخِرده سرشکیله گوزون

راز قلبون ایله بوردا برملا

ایسته زهرادن برات کربلا

نوشته شده در تاریخ یکشنبه 22 شهریور 1394    | توسط: خادم حضرت علی اصغر (ع)    | طبقه بندی: احوالات در میلاد مدح و شهادت امام جواد ال ائمّه (ع)،     |
نظرات()