گلدی وجوده آیت حُسن خدا حسن

سبط رسول، مظهر صدق و صفا حسن

ادامه در ادامه ی مطلب

گلدی وجوده آیت حُسن خدا حسن

سبط رسول، مظهر صدق و صفا حسن

نور جمالی ایتدی خجل مهر خاوری

سالدی او گونکی گون که جهانه ضیا حسن

مولود اوّلیندی زهرای اطهره

نور دل امام به حق مرتضی، حسن

مصداق علم حضرت پروردگاریدی

مفهوم حلم و معدن جود و سخا حسن

حُسن و محسّناتی بیانه گلن دگول

بیر نوع خلق اولوب حسن مجتبی حسن

صورت حسندی خُلق حسن سیرتی حسن

آیدین دیوم که خلقتی باشدان باشا حسن

ختم رسل بویوردی بهشتی جوانلارین

مولاسیدور حسین و حسینه اخا حسن

باغ وامامتین گل دائم بهاریدور

نوری سپهر دینه ویرن انجلا حسن

نور خدا، امام هدی، مظهر کمال

اهل یقینه راهبر و راهنما حسن

اولماز اولیدی حاتم طائی اونا مثل

ازبس ایدردی اهل نیازه عطا حسن

محو جمال اولوب بوشالاردی وجوددن

درگاه کبریاده ایدنده دعا حسن

حقّه گوره تحمّل ایدوب هر مصائبی

گلموب شکایته خلف مصطفی حسن

ظلمیله لیک ایتدی همیشه مبارزه

فکر ایتمه اولدی تابع اهل جفا حسن

ظاهرده باخما صلح ایلدی اولدی باطناً

بنیان گذار نهضت کرب و بلا حسن

موضوع صلح نامه سی محکم دلیلدور

ویردی نه علّته گوره صلحه رضا حسن

صلح ایتدی حفظ قیلدی مسلمانلارین قانین

اسلامیانه پیشرو و پیشوا حسن

ناحق یره خلیفه ی اسلام اولانلارین

ایتدی خیانتین هامویه برملا حسن

نهضت اوچون زمینه نی آماده ایلدی

شاه شهیده، شیعه لره مقتدا حسن

بیر بیله شان و شوکت و جاه و جلالیله

مظلوم امّت اولدی امام هدی حسن

نسگل لیدور حیات و مماتی او سرورین

سانسیز غم و بلایه اولوب مبتلا حسن

نسگل دگول اگر یته بیگانه دن ستم

نسگل بودور گوروب ستم آشنا حسن

گاهی ووروبلا دل یاراسی اوز صحابه سی

گاهی گوروب اذیّت زهرا عصا حسن

بیر نچّه دفعه ایتدیله مسموم او سروری

ا... عنایت ایلدی تاپدی شِفا حسن

آخِرده اوز عیالی ویروب زهر کین، اولوب

پاره جگرله عازم دار بقا حسن

قلب شریفی قانیله دولموشدی دهریده

نیشترلنوب ستمله ایچوب زهری تا حسن

طشت ایستدی بوشاتدی اورک قانینی ایدوب

خونین لبیله زمزمه ی زینبا حسن

گوردی او حالی زیب علیا مکرّمه

حالی پوزولدی هولیله سسلندی واحسن

زینب سنه فدا بو نه حالتدی قیل بیان

گوردی بو ناروا ستمی کیم روا حسن

عمرون بهارینه یتیشوب آفت خزان

ای حُسنی حُسن گلشن آل عبا حسن

تقدیره باخ، مشیّته بیر سیر ایله گورور

نه ماوقع حسین و نجه ماجرا حسن

حق اوسته سو یانیندا سوسوز جان ویرور حسین

مسموم اولور سودان خلف اتقیا حسن

ای آیت کرامت و احسان کردگار

سسلر حزین امید و عطائیله یاحسن

هم آرزوی قبر شریفوندی نیّتی

هم لطفیله شفاعت روز جزا حسن

نوشته شده در تاریخ پنجشنبه 11 تیر 1394    | توسط: خادم حضرت علی اصغر (ع)    | طبقه بندی: اشعار مدح، میلاد و شهادت حضرت امام حسن مجتبی (ع)،     |
نظرات()