گل آتام اوغلی گوزیمده گوزیاشیم قان اولدی گل

قولّاریم دوشدی، سو مشکیم تیرباران اولدی گل

ادامه در ادامه ی مطلب

گل آتام اوغلی گوزیمده گوزیاشیم قان اولدی گل

قولّاریم دوشدی، سو مشکیم تیرباران اولدی گل

باغبانیمسن منیم، من سرو سروستانیوم

ریزه خوار خوانوام، پرورده ی احسانیوم

درک ایله قارداشیوی قارداش سنون قربانیوم

گل کیمی سروون ایاقدان دوشدی خندان اولدی گل

فارغُ التّحصیل دانشگاه دینم گر اوزوم

سن منه استاد دانشگاه سن، دوزدور سوزوم

گوزلرم استادیمی یرده یوزوم یولدا گوزوم

سن سویَن تک قارداشون قرآنه قربان اولدی گل

مرشدیم سن، وقفدور بو عمریم استدلالیوه

سنسن استقلال دین آند اولسون استقلالیوه

من او استقلاله قربانم فدا اجلالیوه

شاهدیم مقطوع ایکی تک دستِ عدلان اولدی گل

گیتدی دین اوسته قولوم امّا یقینیم گیتمدی

آخدی قانیم سو کیمی، شرع مبینیم گیتمدی

گیتسه باش شکر ایلرم باش گیتدی دینیم گیتمدی

ادّعا اثباتیمه بو حال عنوان اولدی گل

آلموشام تعلیم اوزوندن دینده هر عنوان اولا

کاش هر عنوانه مین جانیم اولا قربان اولا

من دوشم بی جان، بقای دین اولا قرآن اولا

سوز یرین آلدی بو ساعت سود و قوم آن اولدی گل

گرچه آیریلدی بو چولده رشته ی جاندان الیم

لاعلاج اولدوم، اوزولدی بیله هر یاندان الیم

چخمادی چوخ شکر قیلّام دین و قرآندان الیم

دینه قربان اولماقیم دنیایه اعلان اولدی گل

اولدی رفتاریم ازل سن باغلین پیمانیله

سن گیدن هر بیر یولی طیّ ایلدیم ایمانیله

حفظ قرآن اوسته ایتدیم سعی باش و جانیله

جان شیرینیم نثار دین و قرآن اولدی گل

ای شه اسلام وی فرزانه لر فرزانه سی

ای منی جانیم محبّت شمعیوین پروانه سی

چخمادیم پیمانیدن چخدی بو جان پیمانه سی

پرلریم اثبات حقّ اوستونده سوزان اولدی گل

آختاروردوم بیله بیر گون روزگار دینیده

باغ آمالیم گل آچسون نوبهار دینیده

جان ویرم تشنه رکاب شهریار دینیده

شهریارا جان نثارون قانه غلطان اولدی گل

خوشدلم درک حضور شهریار اولسون منه

دلده دردیم چوخدی، گلسون غمگسار اولسون منه

درک ایدوب باش چکماقی بیر افتخار اولسون منه

انتظارونله منیم باغریم دولی قان اولدی گل

ای جلال و عزّتون حیرانی اوهام و عقول

وی خلیل سرزمین کربلا یابن الرّسول

گل دعا قیل ایلسون قربانیوی ا... قبول

سو یانیندا دینه قربان بو لب عطشان اولدی گل

ای هامی آمال قربان تک سنون آمالیوه

حسرتم صون دمده دیدار جمال آلیوه

عطریوی آلسام سورونّم گلّم استقبالیوه

جمع حسّ شامّم قارداش پریشان اولدی گل

جعفر طیّار تک ال تاپدی بو لشکر منه

تیر پرّان ووردی چوخ چوخ قوم کین گستر منه

ایتماقا پرواز اوخلار ویردی بال و پر منه

کربلاده جعفر ثانی نمایان اولدی گل

گرچه بو عالی سعادت درک ایدوب قارداش منی

آز قالور باشیم ایده مسکن فراز نیزه نی

بیله بیر موقعده قویدوم حیف قارداشسیز سنی

خانهی صبریم بو اصل اوستونده ویران اولدی گل

تائبا عبّاس نام آور کیمی مردانه اول

دینون اورگش، بول وظیفن، عاقل اول فرزانه اول

دور شمع دینیده پرواز ایله پروانه اول

یان، حسینی سسله دی جان دینه قربان اولدی گل

نوشته شده در تاریخ چهارشنبه 27 خرداد 1394    | توسط: خادم حضرت علی اصغر (ع)    | طبقه بندی: احوالات حضرت ابوالفضل العبّاس (ع)،     |
نظرات()