دشمنلر آلدی دوره می قارداش یتیش امدادیمه

جلّاد الینده قالموشام یوخ کیمسه یتسون دادیمه

ادامه در ادامه ی مطلب

دشمنلرآلدیدورهمیقارداشیتیشامدادیمه

جلّاد الینده قالموشام یوخ کیمسه یتسون دادیمه

نه بیحیادور کوفیان اُف بو حیاسیز ملّته

تیره نشان ایلوب منی، سقّائیدیم بو علّته

من غیرت ا... اوغلیام اولمام رضا بو ذلّته

باشیم گیدونجه دل آچوب عجز ایتمرم جلّادیمه

هرچند ایستردیم اوزوم قانیم ویره رونق یره

امّا کمین ایتدی منی بی بیحیا ناحق یره

بیر ظلم ایدوب قولدان الیم الدن دوشوب بیرق یره

قولسوز یخلدیم سسلدیم قارداش یتیش امدادیمه

هر یرده سقّالر دوشر عشق عالمینده رشکیمه

سو اوسته آخدی باشیمون قانی قارشدی اشکیمه

بیرده گلردیم خیمیه اوخ دگمه سیدی مشکیمه

مشکه دگن اوخ واقعاً دگدی دل ناشادیمه

اوندا که نهر علقمین اوستونده نصب ایتدیم لوا

دولدوردوم اوّل مشکیمی میل ایلدیم صوندان سووا

سو لبلریمه یتمه میش دلدن اوجالدی آه و وا

سس گلدی سو ایچمه دایان دوشدی سکینه یادیمه

منده ازلده اَکدیقیم نخل وفانی بیچمدیم

یعنی وفا شرطین بولوب رسم وفادن گیچمدیم

غنچه دوداقین اصغرین یاده سالوب سو ایچمه دیم

گرچه بوگون اوچ گون اولور سو دگمیوب اکبادیمه

ناگه ابوالفضلین سسین آلدی غریب کربلا

بولدی وفالی قارداشین واردی باشندا نه بلا

قویدی بِئلینه بیر الین معناده سسلندی بلی

سیندی بِئلیم خم یتدی چون اول قامتی شمشادیمه

فوراً یتوردی مهربان قارداش باشی اوسته اوزین

رافت طریقیله ازل سیلدی او قان دولموش گوزین

سوندان دیدی قارداشنا بو طرزیله گویا سوزین

باخ خیمه لرده شیونه رحم ایت غریب اولادیمه

عالمده بیر کس گورمیوب بیر بیله یاره بیر بدن

بو باش بو قول بو جسم و جان، بو سینه بو پیکر بو تن

بازار شام و کوفه نون اوضاعینی ایلر علن

زینب یانار دشمن گولر نه یوز ویرر سجّادیمه

گورسه بو نوعی عترتیم بو پاره پاره پیکری

باشین آچوب زلفین یولوب ایله لّه برپا محشری

لیلا اوغولوای سسلمز یاددان چخاردار اصغرین

قاسم آناسی اوخشاماز ناکام اُلن دامادیمه

اوچ آیدی بو سیل مرض صبریم ایوین تاراج ایدوب

غربتده بو انصافسیز دکترلره محتاج ایدوب

الهام غیبی دردیمه بیر فکر استعلاج ایدوب

باب الحوائج آدینی زینت ویروب افرادیمه

ای نور عین فاطمه محبوب حیّ ذوالکرم

گرچه گنهکارم گینه امّا قاپوندا نوکرم

سن شانیه اولسان شفیع وار خالقیمده چوخ کرم

قویمازبورنجوبومرضرخنهسالابنیادیمه

نوشته شده در تاریخ چهارشنبه 27 خرداد 1394    | توسط: خادم حضرت علی اصغر (ع)    | طبقه بندی: احوالات حضرت ابوالفضل العبّاس (ع)،     |
نظرات()